Tuesday, March 23, 2010

ദഹനം


എന്റെ കണ്ണീരിലെ

ഉപ്പൊഴിച്ച്

എല്ലാവരും

വയറുനിറയെ

കഞ്ഞികുടിച്ചു


എനിക്കു പരാതിയില്ല

ഞാനെന്നും

പട്ടിണിയാണെങ്കിലും

വയറുനിറയാത്തവർ

പരാതിപറയുന്നു


എന്റെ കണ്ണീരിൽ

കലരുന്ന

രക്തം കുടിച്ച്

നരഭോജികളായവർ

ഇന്നെന്റെ കണ്ണു ചുഴന്നു

ഭക്ഷിക്കാനൊരുങ്ങുന്നു


കഞ്ഞിക്കുപ്പ്

ഇനിയെവിടെ

പരാതികൾക്കറുതി

ഇനിയെവിടെ

എന്നോർത്തു

ഞാൻ പരക്കം പായുന്നു


10 comments:

  1. പേടി.
    കണ്ണിനെക്കുറിച്ചും കണ്ണീരുപ്പുവെള്ളത്തിനെക്കുറിച്ചും.......

    ReplyDelete
  2. പരാതി ഇല്ലാതെയാകുന്നതും ഒരു പരാതി തന്നെ

    ReplyDelete
  3. ചൂഷണമാണു എച്മുക്കുട്ടി. പേടിച്ചിട്ടെന്തു കാര്യം. ശരിയാണു ശ്രീ. പരാതിയില്ലെന്നു പറയുന്നതു പരാതിയുടെ ധ്വനി നല്‍കുന്നു. നന്ദി വായിച്ചതിനും അഭിപ്രായം പറഞ്ഞതിനും.

    ReplyDelete
  4. എന്റെ കണ്ണീരിൽ

    കലരുന്ന

    രക്തം കുടിച്ച്

    നരഭോജികളായവർ

    ഇന്നെന്റെ കണ്ണു ചുഴന്നു

    ഭക്ഷിക്കാനൊരുങ്ങുന്നു....

    ഇത് വായിച്ചപ്പോള്‍ അറിയാതെ മനസ്സ് 'ഭൂമിക്കൊരു ചരമഗീതത്തിലേക്ക് ' പോയി. പ്രകൃതിയാല്‍ ഊട്ടി വളര്‍ത്തപ്പെട്ടവര്‍ മഴുവുമായി അമ്മയെ വധിക്കാന്‍ നില്‍ക്കുന്ന ഒരു കാഴ്ച....

    ആശംസകള്‍...

    ReplyDelete
  5. രഞ്ജിത്തിനു സ്വാഗതം. നല്ല വാക്കുകള്‍ക്കു വളരെ നന്ദി.

    ReplyDelete
  6. ശവപ്പറമ്പുകളിലെ തലക്കല്ലുകളില്‍
    പൂപ്പല്‍ പിടിച്ചതുപോലെയാണ് ഇപ്പോഴെന്റെ മുഖം.
    എന്റെ മുഖം കാണാനെയില്ല.
    ഭൂമിയെപ്പോലെ പല പല രൂപങ്ങള്‍
    വരിക്കുവാന്‍ സ്ത്രീക്കു കഴിയണം.
    ഒരു ധൂളിയായി
    പാതി വളര്‍ന്ന റോസാച്ചെടിയായി
    സംഗീതം നിറ്ഞ്ഞുതുളുമ്പുന്ന ഒരു മുറിയായി
    അങ്ങനെ അവള്‍ പല രൂപങ്ങളില്‍
    പല ഭാവങ്ങളില്‍.
    (ബന്ധം- ഹെലന്‍ ഡേവി)
    അടുക്കളയില്‍ തേഞ്ഞുതീരുന്ന
    ഒരു വീട്ടുപകരണമാണു ഞാന്‍.
    (സാവിത്രി രാജീവന്‍-പ്രതിഷ്ട)
    ഒരു കുറ്റിച്ചൂല്, ഒരു നാറത്തേപ്പ്,
    വക്കു പൊട്ടിയ ഒരു പിഞ്ഞാണം, ഒരട്ടി മണ്ണവള്‍
    (സംക്രമണം-അറ്റൂര്‍ രവിവര്‍മ്മ)

    ReplyDelete
  7. എനിക്കു സുരേഷിന്റെ വായനയുടെ വ്യാപ്തികണ്ടു കുറേശ്ശെ അസൂയ വരുന്നുണ്ട്..

    ReplyDelete
  8. എത്ര കൊടുത്താലും എത്ര കിട്ടിയാലും മതി വരാത്ത മനുഷ്യ മനസ്സിന്റെ ആര്‍ത്തിയെ കുറിച്,
    മറ്റുള്ളവര്‍ക്ക് വേണ്ടി സ്വയം ഹോമിക്കുന്നവരെ കുറിച് വളരെ നന്നായി എഴുതി മുകിലേ.
    കവിത ഇഷ്ടപ്പെട്ടു. ഏറ്റവും പുതിയ കവിതയില്‍ ഉള്ള അതെ ആധി ഇവിടെയും കണ്ടു.

    ReplyDelete
  9. മുകിലേ സമയം കിട്ടുമ്പോ മെല്ലെ മെല്ലെ നീങ്ങി നീങ്ങി വന്നു ഒരു കുഞ്ഞു "പേമാരി" ഇവിടെയും തന്നിട്ട് പോണേ.

    ReplyDelete
  10. കമന്റുകളെല്ലാം കണ്ടു..സന്തോഷംഹാപ്പി.

    ReplyDelete