ചന്ദനത്തിരികളില്‍ ചിലന്തി

കൂട്ടിപ്പിടിച്ചു കുത്തിയ,

കത്തുന്ന ചന്ദനത്തിരികളില്‍

ചിലന്തി.

രക്ഷപ്പെടാനതു

മുകളിലേക്കാണു കയറുന്നത്.

കത്തുന്ന തിരിയറ്റത്തു മുട്ടി,

ഒന്നില്‍ നിന്നു ചാടി മറ്റേതില്‍

മുകളിലേക്കു ചെല്ലുമ്പോള്‍,

വീണ്ടും തിരിയറ്റത്തു മുട്ടി,

അടുത്തതിലേക്ക്..

അതിനു താഴെയിറങ്ങി

രക്ഷപ്പെടാനറിയില്ല!

ഞാന്‍,

മകളുടെ ശവക്കല്ലറയില്‍

പ്രാര്‍ത്ഥിക്കുകയായിരുന്നു.